【官宣】淺野拓磨轉戰西甲 投馬略卡
2024年07月06日 22:05
東網電視
更多新聞短片
淺野拓磨投馬略卡。(馬略卡社交平台X)
29歲日本國腳淺野拓磨同波琴約滿後，新球季踏上新旅程，下一站佢會轉戰西甲，免費投馬略卡，並已官宣，簽約2年。
馬略卡官方社交網發文宣報淺野拓磨加盟，表示會方簽入淺野拓磨，為期兩年，該球員上季效力德甲波琴，上陣29場攻入6球；連同其他賽事上陣32場，攻入7球1助攻。
淺野拓磨早在2016年展開旅歐生涯，最初加盟阿仙奴，但從未為「槍手」上陣，先後外借到史特加及漢諾威，2019年轉投柏迪遜，兩季後加盟波琴至上季完結。
可司職前鋒同翼鋒嘅淺野拓磨，生涯高峰是2022年世盃決賽周，在分組賽對德國攻入反勝2比1入球，至今為日本上陣52場入9球。
淺野拓磨亦係馬略卡史上第4名日本外援，之前3人分別為大久保嘉人、家長昭博同久保建英。