歐國盃4強「王者林立」　英格蘭最尷尬

經過周日(7日)凌晨2場歐國盃8強大戰之後，4強球隊全部誕生，西班牙對法國、荷蘭對英格蘭，4隊均為傳統勁旅，戲碼一流。其中西班牙、法國、荷蘭都曾經奪得歐國盃冠軍，唯獨英格蘭未捧過盃，唔知今屆能否取得「零的突破」呢？

瑞士、土耳其出局之後，意味今屆歐國盃未有異軍可以跑出，4強球隊西班牙(8)、法國(2)、荷蘭(7)、英格蘭(5)屬於世界排名前8位，其中西班牙係歐國盃史上奪冠次數最多嘅球隊之一，同已出局嘅德國一樣有3次，至於法國曾於1984及2000年贏得冠軍。

有「無冕之王」稱嘅荷蘭奪得唯一大賽錦標係1988年歐國盃冠軍，相比之下，英格蘭黯然失色，對上一次奪得大賽冠軍已經係1966年世界盃，而且「三獅兵團」未曾捧過歐國盃，最佳成績係上屆獲得亞軍，至於今屆能否打破宿命，大家拭目以待。