土耳其輸波贏未來　艾達古拿神童認證

土耳其係今屆歐國盃表現最討好球隊之一，雖然喺8強輸畀荷蘭出局，但陣中一眾年輕球員表現對辦，其中19歲嘅艾達古拿就光芒四射，連續2場淘汰賽交出助攻，同C朗等名宿睇齊！

艾達古拿喺16強對奧地利交出助攻，今場8強又有靚傳中畀隊友頂入，今屆賽事有1入波加2助攻，佢亦成為歐國盃史上，第4個喺單屆歐國盃交出2次或以上助攻20歲以下球員，之前3個分別係史斯富(1984年)、C朗(2004年)同拉明耶馬(2024年)。

土耳其領隊蒙迪拿賽後表示：「艾達古拿今屆表現非常好，佢之前未試過喺呢種水平賽事交出穩定表現，今屆對佢係好好嘅經驗，艾達古拿連20歲都未夠，假以時日佢會變得更加出色。」