【官宣】奧利斯投拜仁　同穆斯亞拿故劍重逢

德甲勁旅拜仁慕尼黑周一(8日)凌晨宣布，以5,000萬鎊轉會費收購水晶宮翼鋒米高奧利斯，雙方簽約至2029年。率先歡迎呢位法國新星嘅，係啱啱踢完歐國盃嘅穆斯亞拿，兩人過往喺車路士青年軍曾經合作，今次喺德甲故劍重逢。

22歲嘅米高奧利斯，近年喺英超被譽為最佳新人之一，今次加盟拜仁後表示：「好可心可以加入一間咁偉大嘅球會，呢個對我係一大挑戰，亦係我所追求嘅目標，我想喺拜仁用冠軍證明自己可以喺呢個水平比賽。」

呢位法國小國腳喺2009至2016年效力車路士青年軍，同德國新星穆斯亞拿做過隊友，穆斯亞拿就率先歡迎：「我哋喺車路士青年軍做過隊友，嗰段係美好日子，呢幾年我哋冇乜交流，但我要講奧利斯係好高質素，呢幾年佢喺水晶宮嘅入波，大家有目共睹。」