艾云东尼No Look极刑　练12码有特别方法

英格兰喺欧国杯8强互射12码淘汰瑞士，射入第4轮嘅艾云东尼一向系12码专家，不过佢今次用嘅“No Look”射法就令球迷震惊，甚至连英格兰队友都佩服。据报艾云东尼平时练12码，仲有一套特别嘅练波方法！

艾云东尼喺加时下半场入替哈利卡尼，其中一个原因就系佢嘅12码能力，当佢主射嗰阵，全程望住瑞士门将恩尼森马，连眼尾都冇望过个波，但依然可以精准命中。英格兰队友布卡约沙卡表示：“好癫！我哋都好佩服，点解可以唔使望个波？佢操练已经系咁样做。”左闸劳基梳尔亦话：“难以置信，特别系睇重播，有个镜头只系影住佢个样，(唔望个波)真系好疯狂。”

统计显示，艾云东尼历来射过31球12码，当中只有1次宴客纪录，据报呢位宾福特前锋有个特别嘅练习方法，就系平时会练13码而唔系12码，当佢完全适应之后，比赛嗰阵射12码就会觉得个龙门更大。