利萊辛尼接受腹股溝手術　養傷3星期

德國8強出局後，對西班牙半場主動要求換出嘅利萊辛尼，決定接受腹股溝手術，並已於周一(8日)順利完成，大約需要養傷3星期。

利萊辛尼嘅恥骨問題困擾咗佢半年，歐國盃8強對西班牙，呢位拜仁翼鋒正選上陣，但半場期間因為傷患復發，主動要求換出，要開刀治理。

德國傳媒報道，利萊辛尼周一在慕尼黑接受腹股溝手術，過程順利，預計於7月底康復。該28歲翼鋒今屆歐國盃上陣5場，其中2場正選，0入球0助攻。