迪歷特成「魔」有變數？6萬拜仁迷聯署求佢留隊

近日盛傳荷蘭中堅馬菲斯迪歷特即將由拜仁慕尼黑轉投曼聯，但拜仁球迷試圖阻止呢單交易，根據德國傳媒報道，有6萬人聯署希望迪歷特留隊，可見佢深得民心，唔知呢位24歲後衞會唔會改變主意，繼續為拜仁慕尼黑效力呢？

有拜仁球迷發起聯署，呼籲馬菲斯迪歷特留隊，聯署文中話：「迪歷特係1位世界級後衞，可能係拜仁隊內最佳球員，有令人欽佩同成熟心態，未來仲有好長路要走，希望你留下。」已有6萬人簽署支持。

馬菲斯迪歷特2年前由祖雲達斯加盟拜仁，各項賽事上陣73場，並有5球進帳，上季因為受傷患問題影響，一度失去正選，令佢決定今夏離隊，轉投曼聯同前阿積士主帥坦哈格再次合作，據悉拜仁會方已同意出售佢，恐怕球迷難以令馬菲斯迪歷特回心轉意。

馬菲斯迪歷特今屆歐國盃仍未上陣，至於會唔會喺4強披甲鬥英格蘭，大家拭目以待。