唔係西甲同意甲　格連活特將轉戰法甲

曼聯新星格連活特去向出現戲劇性發展，根據「轉會權威」記者羅曼諾(Fabrizio Romano)爆料，法甲球隊馬賽加入爭奪呢位22歲翼鋒，有望同紅魔鬼達成協議，以先借後買方面簽入格連活特。

格連活特因為「家暴事件」上季被外借去基達菲，雖然佢表現出色，上陣36場入10球及6次助攻，但紅魔鬼仍然決定出售佢。曾經傳出祖雲達斯、巴塞隆拿有意收購格連活特，但馬賽後發先至，已經同曼聯方面展開會談，而且進展良好，有望短期內達成協。據悉馬賽將先借用格連活特，合約之中包含買斷條款，買斷費可能達到3,500萬鎊(約3.5億港元)。

格連活特早前被人影到同前曼聯隊友梳泰亞一齊自費租球場練波，可見佢用唔到曼聯訓練設施，明顯已被球會放棄，轉投馬賽可能係唯一出路。