施洛證紐尼斯留利物浦　最佳位置未定

烏拉圭前鋒達雲紐尼斯喺國家隊表現出色，不過近2季喺利物浦就備受批評，有傳佢將會被「紅軍」出售。不過利物浦新帥施洛日前表明，紐尼斯將會係佢計劃入面重要球員，至於會踢前鋒同左翼就未有定案。

荷蘭領隊施洛表示：「我鍾意紐尼斯，相信佢會完美融入我嘅踢法，我哋已經傾過，雖然紐尼斯把握機會方面有時會有問題，但佢經常可以走到最好位置。以利物浦嘅規模，有競爭係好正常，我覺得佢好適合球隊嘅戰術。」

達雲紐尼斯喺烏拉圭做正箭頭，近5場入5球，而加普喺荷蘭踢左翼，今屆歐國盃亦5場入3球，似乎可以成為最佳組合，不過施洛就話：「我唔會根據球員喺國家隊嘅表現嚟決定位置，我有自己嘅意見，我會先同球員溝通再決定。」