利物浦門將回巢貝迪斯　真情流露

利物浦37歲後備門將阿祖安卡斯迪路，已於上季約滿離隊，周二(9日)官宣重投母會貝迪斯，簽約2年。

貝迪斯係阿祖安卡斯迪路嘅母會，10歲喺度受訓，2012年上一隊，1年後獲韋斯咸羅致轉戰英超，2019年轉投利物浦至上季結束，5年時間上陣26場，當中7次零封，在利物浦贏過7項冠軍，包括英超、世冠盃、歐超盃、英足盃同2次英聯盃。

阿祖安卡斯迪路今次回巢，貝迪斯公布多條訪問影片，仲有幾幅特寫圖片，當中有佢感動流淚嘅片段，始終離隊11年，重投母會懷抱，難免真情流露。