簡迪重返車路士？比堤舉腳讚成

法國喺歐國盃4強出局，球隊今屆整體表現麻麻，不過中場老將尼高路簡迪就相當搶鏡，證明自己仲有能力喺頂級舞台表演。最近有傳聞話，車路士有意重新招攬呢位長青中場，連前法國同車路士球星比堤都支持，以簡迪今屆歐國盃嘅表現，應該重返歐洲比賽。

33歲嘅簡迪上年離開車路士轉投伊蒂哈德，但今屆歐國盃表現證明佢寶刀未老，有傳車路士新領隊馬利斯卡想搵佢返嚟，有博彩網站更將車路士列為簡迪下一間球會大熱(2.75倍)，發言人表示：「車路士1年後簽番簡迪係難以置信，但佢哋雖然有經驗球員，而且普捷天奴被炒再入過度期，有個熟悉車路士球員會令轉變更順暢。」

前法國國腳比堤表示：「當簡迪離開國家隊同歐洲聯賽，我覺得好傷感，佢唔再後生，但我認為佢仍然有傑出能力。簡迪去沙特係為錢，我對於有歐洲大球會想簽佢返嚟並唔驚訝，如果佢哋可以支付到令簡迪滿意嘅人工。」