謝德謙:雙蘭對決 臨場調動將影響勝負

2024年07月10日 15:30
東網電視
更多新聞短片
歐國盃4強大戰荷蘭迎戰英格蘭,雙方今場必定法寶盡出,務求殺入決賽。主帥之間嘅比併相信係今場致勝關鍵,修夫基究竟會否再次打逆境波時再次發力,抑或朗奴高文再次劣勢下反勝,相信今仗臨場調動足以影響賽果。
荷蘭於8強先落後下以2比1反勝土耳其,雖然橙軍兵團在半埸落後0比1,但朗奴高文易邊後立即換入韋格賀斯,最終憑迪維積頂入及對手擺烏龍反勝晉級。相信上場不少荷蘭球迷飽食驚風散,全靠門將華布根救出對方近射才力保勝果。今場相信朗奴高文繼續依賴前鋒加普喺左邊突破去威脅英軍大門,以荷蘭強勁攻力有望取得入球。
英格蘭在8強1比1逼和瑞士,再以十二碼擊敗對手,在比賽末段落後,幸好鋒將布卡約沙卡挺身而出,一記遠射幫助球隊追和,加上於互射12碼時「三獅兵團」全部射入。雖然「三獅兵團」演出仍然欠缺霸氣,但修夫基相信最緊要成功晉級,特別係今屆英軍球員心理質素強大,係互射12碼階段一眾球會常規射手輪流發揮作用。今場面對荷蘭雙方實力接近,相信修夫基都不敢輕舉妄動,大有機會法定時間打和,如果去到互射12碼階段,相信英軍以佔優。