擸櫈又飛樽！荷英球迷賽前酒吧開拖

英格蘭對荷蘭嘅歐國盃4強大戰前，雙方球迷喺多蒙特酒吧發生大規模衝突，據報有荷蘭足球流氓因為想搶走英格蘭球迷旗幟，結果造成大混，「開片」期間有人又擸櫈又飛樽，據報有5名英格蘭球迷受傷。

據報荷蘭有8萬球迷飛去德國，當中有極端球迷組織混入，英國警方賽前已叫球迷注意安全。網上流出影片所有，喺多蒙特一間酒吧外，有兩隊球迷對峙，現場人士指最初兩邊只係「互寸」，但有荷蘭球迷想搶英格蘭球迷旗幟，就令場面變得混亂。

酒吧職員表示：「荷蘭球迷瘋狂掟嘢，好似櫈、酒樽之類，英格蘭球迷之後反擊，我見到冇人嚴重受傷，警察嚟到拉咗部份人，場面都幾恐怖！酒吧啲電視機、傢俱都被打爛晒。」德國警方證實有5名球迷受到輕傷。