明奈一舉動證明荷蘭前鋒成「魔」好事近

英格蘭喺歐國盃4強擊敗荷蘭之後，中場明奈特別走去同「橙衣兵團」前鋒約舒亞舒克斯傾咗一陣，普遍輿論認為，明奈應該收到風，曼聯將會簽入舒亞舒克斯，所以率先同呢位未來隊友打招呼。

明奈今場踢到補時被換走，相反約舒亞舒克斯補時先至後備上陣，完場之後，明奈滿臉笑容，走去同舒亞舒克斯打招呼，拍晒膊頭，成為傳媒同網民焦點。有唔少網民認為，明奈應該係去同舒亞舒克斯講：「歡迎來到曼聯。」亦有人覺得明奈已經知道交易成事，所以當正舒亞舒克斯係隊友。

事實上，多方消息都指曼聯已經同舒亞舒克斯達成個人待遇條約，現時只等紅魔鬼斥資3,400萬鎊(約3.4億港元)向博洛尼亞買斷呢位23歲射手，就可以成事。

另外一位荷蘭國腳馬菲斯迪歷特亦盛傳將會由拜仁慕尼黑轉投曼聯，荷蘭出局之後，2人可以專注處理成「魔」事務。