早已注定？歐美2大決賽暗藏車路士密碼

歐國盃及美洲國家盃決賽球隊全部誕生，有網民發現，2場決賽暗藏「車路士密碼」，英格蘭中場高爾彭馬、西班牙左閘古古列拿、阿根廷中場安素費南迪斯唔止都係效力車路士，而且今次為國家隊出征，同樣身穿24號球衣，實在非常巧合。

3位「24仔」都喺所屬國家隊發揮關鍵作用，高爾彭馬喺歐國盃4強補時貢獻助攻，協助「三獅兵團」絕殺荷蘭。安素費南迪斯上場美洲盃4強對加拿大，射門變助攻，幫助美斯入波開齋。

至於古古列拿演出雖然唔及2位車仔隊友搶鏡，但佢喺左路助攻助守，屬於西班牙進身歐國盃決賽嘅無名英雄。

不過，美洲盃另1支決賽球隊哥倫比亞嘅24號球員祖安哥度巴效力俄羅斯球隊卡斯洛達。