達雲紐尼斯保護家人 同哥倫球迷開大片
2024年07月11日 18:03
東網電視
更多新聞短片
烏拉圭於周四（11日）美洲盃4強不但遭哥倫比亞踢出局，箭頭達雲紐尼斯更為保護家人，賽後與哥倫比亞粉絲於看台開大片，場面非常混亂。
其實呢場4強戰本身已充滿火藥味，成場波狂派黃牌兼有哥倫比亞後衞丹尼爾蒙路斯被逐，勢估唔到好戲在後頭。當時以達雲紐尼斯為首嘅烏拉圭球員，與看台上嘅哥軍球迷發生衝突，電視畫面所見，受到哥軍球迷挑釁，達雲紐尼斯同佢哋互毆，佢仲畀人打中頭部，過咗一陣警方先介入。
相關片段：
有指事緣係哥倫比亞粉絲出言辱罵並用啤酒淋烏拉圭球員家人，球員上去保護家人，但之後被哥軍球迷阻止佢哋離開看台，之後又互相發生掟嘢，由於情況混亂，達雲紐尼斯為保護看台上嘅家人先出手，事後南美足協強烈遣責任何球場暴力，但暫時未有進一步行動。
烏拉圭隊長荷西基文尼斯為隊友辯護，指球員嘅家人都喺看台，而且仲有手抱嬰兒：「根本係一場災難，因為嗰度冇警察，因此我哋要自己保護家人，係有幾個人醉酒鬧事引發。」