金童獎評審：拉明耶馬已經獲獎

將滿17歲嘅西班牙天才拉明耶馬，在歐國盃表現技驚四座，4強射入法國嘅超級金球，睇到球迷嘩嘩聲，今屆金童獎其中一名評審到電台開咪表示，拉明耶馬已經肯定係今年金童獎得主。

金童獎評審之一嘅馬洛托日前出席加泰電台節目，佢接受詢問時表示：「雖然投票要到7月26日先結束，但拉明耶馬已經肯定係金童獎得主。」

拉明耶馬上季連同青年比賽，為巴塞隆拿上陣60場，交出7球10助攻，今屆歐國盃為西班牙上陣6場，交出1球3助攻，其身價亦在歐國盃期間節節上升，現時估值為9,000萬歐元(約7.65億港元)。