阿仙奴斟狂牛後備殺手　出價2.5億

阿仙奴斟介皇家蘇斯達西班牙國腳中場蘇比文迪觸礁，但誤中副車，吸引到同隊另一西班牙國腳米基爾馬連奴注意，據報馬連奴已表達願意「入廠」想法，阿仙奴出價2,500萬鎊(約2.5億港元)斟介。

米基爾馬連奴同蘇比文迪都踢緊歐國盃，28歲嘅馬連奴在8強對德國一役加時119分鐘頂入絕殺入球，成為贏波功臣，佢初出道時踢過紐卡素，有英超經驗，佢個人希望重返英超，並已將離隊想法通知皇家蘇斯達，由於佢同皇蘇合約明年到期，因此皇蘇可能被逼放人。

由於歐國盃未打完，阿仙奴仲未有機會同球員接觸，但就已經同馬連奴經理人初步談判，願意出價2,500萬鎊收購，比起佢現時在《轉會市場》身價估值5,000萬歐元，折合4,250萬鎊，似乎有一段距離，要視皇蘇是否願意放人。