又有日本球員旅歐　松木玖生投修咸頓

FC東京官方宣布，21歲中場松木玖生即將離隊，到海外發展，據報佢會加盟剛重返英超嘅修咸頓，並會先外借到土耳其球隊哥茲塔比適應。

松木玖生2022年在FC東京出道，在日職1年半，上陣57場入4球，包括今季17場2球4助攻，亦係日本U23成員，去年當選亞洲足協最佳年輕球員，並參加今年嘅U23亞洲盃並奪冠而回。

FC東京在官網發文為佢送行，本輪FC東京主場迎戰新潟天鵝為告別戰。據報今次轉會，FC東京獲得一筆轉會費，在《轉會市場》顯示，其身價估計為150萬歐元(約1,270萬港元)。