耶馬17歲生日狂收蛋糕　許願贏英格蘭

西班牙喺歐國盃決賽前，周六(13日)為拉明耶馬簡單慶祝17歲生日，喺球隊決賽前最後一課操練後，球隊職員就推出一個巨型士多啤梨蛋糕。耶馬吹完蠟燭後簡單許願：「好開心可以喺度慶祝生日，同大家一齊踢歐國盃決賽......我最想要嘅生日禮物，就係擊敗英格蘭！」

西班牙為耶馬慶祝生日片段：https://twitter.com/i/status/1812117136371851436　

耶馬依家成為西班牙嘅人氣王，各大傳媒、贊助商亦紛紛為佢送上生日蛋糕，據網上流出嘅相片，呢位巴塞隆拿球星至少收到4個生日蛋糕，慶生相片亦上晒各大媒體封面。耶馬爸爸Mounir Nasraoui表示：「希望耶馬可以打出代表作，不過如果西班牙捧盃，邊個球員做主角都冇問題，西班牙國家隊比起個人表現更加重要。」