耶馬VS美斯　歐美盃完成世代交接

歐國盃同美洲盃同日落幕，按兩年前復辦嘅「歐美冠軍戰」規定，西班牙同阿根廷兩支冠軍隊伍，將會在1年後在中立場交鋒，到時將可能見到，當日美斯為嬰兒拉明耶馬沖涼嘅畫面，變成兩人在場上對壘，完成世代交接。

「歐美冠軍戰」於2022年6月復辦，結果美洲冠軍阿根廷在溫布萊球場以3比0擊敗歐洲冠軍意大利，新一屆歐洲及美洲冠軍已告誕生，依例兩支冠軍隊會在1年後在中立場碰頭，到時雙方會選定一日對壘。

有人建議西班牙對阿根廷之戰應該放在巴塞隆拿主場魯營球場進行，昔日巴塞巨星美斯率領阿根廷重返魯營比賽，肯定哄動，拉明耶馬是巴塞超新星，到時美斯同耶馬同場比賽，既是歐美盃爭霸，亦同時完成巴塞巨星世代交接，將是國際足壇其中一個重要時刻，具歷史意義。