【官宣】修咸頓簽日本兵　菅原由勢加盟

修咸頓官方宣布，簽入阿爾克馬爾日本國腳菅原由勢，簽約4年至2028年。繼吉田麻也、南野拓實後，菅原由勢成為「聖徒」新一代日本國腳。

菅原由勢於名古屋鯨魚出道，2019年展開旅歐生涯，最初到荷蘭落腳，在低組別適應環境，其後加盟阿爾克馬爾，效力5個球季，上陣165場入11球，包括近3季每季上陣超過40場，可司職右閘及右中場，同時為日本國家隊上陣13場，包括去年熱身賽擊敗德國一仗攻入1球。

修咸頓特別鍾意引入日本球員，之前吉田麻也共效力8年，又曾向利物浦借用南野拓實，近期除咗簽入菅原由勢，又同幾位新星有聯繫，包括17歲新秀高岡伶餞，FC東京21歲中場松木玖生亦即將來投。