阿拿奧祖開刀　長抖到12月

巴塞隆拿中堅朗奴阿拿奧祖「為國捐軀」，佢早前為烏拉圭出戰美洲國家盃8強對巴西，不幸受重傷，現時證實需要接受手術，估計將會休戰至12月。

朗奴阿拿奧祖該場美洲盃踢到33分鐘受傷退下火線，並缺陣4強及季軍戰，據悉呢位25歲後衞腿筋傷勢嚴重，已經飛返巴塞隆拿，準備接受手術。

根據「轉會權威」記者羅曼諾(Fabrizio Romano)爆料，朗奴阿拿奧祖起碼要等到12月先至可以復出。

朗奴阿拿奧祖近年都係巴塞隆拿防線主力，上季各項賽事上陣37場入1球，巴塞為舒緩財政問題，原本有意出售朗奴阿拿奧祖，並獲得曼聯等多間球會問價，但佢今次重傷長抖，呢單交易應該會擱置。