月初投緬恩斯　日本國腳佐野海舟涉性侵被捕

據日本傳媒報道，今個月初加盟德甲緬恩斯嘅日本中場佐野海舟，涉嫌同另外兩名男子性侵一名女士而被捕，日本警方正進行調查，緬恩斯未就事件作出回應。

23歲嘅佐野海舟被指喺周日(14日)凌晨時份，於東京一間酒店內，同另外兩位二十幾歲男子，合謀性侵一名三十幾歲女士。報道指事發前眾人曾經一齊食飯，但之後女子報警稱受到性侵，日本警方喺酒店附近將佐野海舟等3人拘捕。

曾4次代表日本國家隊上陣嘅佐野海舟，月初由鹿島鹿角轉投緬恩斯，轉會費約250萬歐元。司職防守中場嘅佢，喺德國完成簽約儀式後飛返日本，原定今個周日(21日)返緬恩斯參加季前集訓。