邁亞密證實美斯韌帶受傷　無限期休戰

美職球會國際邁亞密宣布，喺美洲國家盃決賽受傷離場嘅美斯，經檢查後證實右腳足踝韌帶受傷，將會無限期休戰，要視乎佢嘅康復情況再定復出時間表。

美斯喺美洲盃決賽足踝嚴重受傷，出場後忍唔住痛哭，右腳足踝更明顯腫起，國際邁亞密周三(17日)發聲明話：「美斯右腳足踝韌帶受傷，球會將定期為美斯進行檢查，隊長嘅復出時間要視乎康復情況再做決定。」

國際邁亞密教練馬天奴日前曾表示，預計美斯會缺席球會未來2場賽事，不過檢查發現連韌帶都受傷，缺陣時間好可能會比馬天奴預計嘅長得多。