【官宣】艾奧亞投伊蒂哈德 法國幫坐大
2024年07月17日 17:01
東網電視
更多新聞短片
艾奧亞簽約伊蒂哈德4年。
沙特阿拉伯勁旅伊蒂哈德周三(17日)宣布，成功由羅馬收購中場艾奧亞，呢位阿爾及利亞國腳轉會費約1,200萬歐元，雙方簽署4年合約。
現年26歲嘅艾奧亞上年自由身加盟羅馬，但轉會後未受重用，伊蒂哈德新帥白蘭斯對佢非常欣賞，立即要求將佢收歸旗下，3方面一拍即合完成交易。
法國出世嘅艾奧亞依家係阿爾及利亞國腳，但佢青年軍時代一直代表法國，甚至少法國大國腳上陣過1場賽事，直到上年先決定轉為代表阿爾及利亞。
伊蒂哈德獲法國名帥白蘭斯執教，陣中亦有賓施馬同尼高路簡迪兩位法國名將，今次再簽埋艾奧亞，令「法國幫」進一步坐大。