坦哈格首度回應辛祖回歸：佢係好球員！

曼聯今個夏天全面重建，獲得續約嘅坦哈格亦重新檢察球員，連被放逐嘅查頓辛祖亦重返大軍練習。坦哈格日前首度公開回應查頓辛祖回歸，直指呢位翼鋒係「曼聯需要嘅好球員」。

查頓辛祖上年公然斥責坦哈格講大話，被逐出一隊後再被外借多蒙特，不過上星期突然「解凍」，出現喺曼聯一隊練習，預計將會隨隊飛去美國進行季前集訓，曼聯生涯出現轉機。

首次談及查頓辛祖回歸，坦哈格日前表示：「正如我哋講，一切都講清楚晒，曼聯需要好球員，查頓辛祖就係好球員，講清楚之後就向前看。」