【美職】兩老缺陣仲醒神 邁亞密半大要追

2024年07月17日 20:00
東網電視
更多新聞短片
國際邁亞密主場迎戰FC多倫多。
聽朝上演美職,國際邁亞密主場迎戰FC多倫多,「星戰球隊」國際邁亞密缺少2位頂級射手美斯、蘇亞雷斯之下,成績反而仲好,近5場聯賽取得4勝1負,並且踢法豪邁,近4仗上半場總入球全開2球或以上,不妨再追中位數1.5球嘅半場大。(周四早上7時30分開賽)
美斯、蘇亞雷斯早前出戰美洲國家盃,二人自從6月初披甲對聖路易城SC後,就一直未有喺美職亮相。不過,「雙斯」缺陣近5場美職,國際邁亞密演出不俗,一度連贏4場,直至上仗突然以1比6大敗於FC辛辛那提腳下。
邁亞密一向大打「明星牌」,以進攻足球吸引球迷,即使遭遇慘敗,都唔會改變有前冇後踢法,加上今場對手FC多倫多比較弱,預料邁亞密更加會傾力搶攻,力爭重敲勝鼓。
至於FC多倫多早前遭遇聯賽6連敗,直至上仗以2比1反勝費城聯「止血」。呢支加拿大球隊同樣防守不穩,近3場聯賽作客全敗,合共失9球,並且3場都係上半場已失守,相信邁亞密有望迅速入波,半場大值追 。
更多賠率: