曼城危機解除？艾納斯簽巴西國腳賓圖

曼城嘅巴西門將艾達臣摩拉斯，今夏一直係沙特豪門艾納斯收購目標，不過雙方斟介多時都傾唔掂轉會費，據報艾納斯已火速轉移目標，成功簽入巴西另一國腳門將賓圖，意味艾達臣摩拉斯好大機會繼續留效曼城。

艾納斯一直視艾達臣摩拉斯為頭號目標，呢位巴西門神亦有意轉會，但艾納斯只開價3,000萬歐元，而曼城就要求6,000萬歐元，雙方拉鋸多時都冇進展。權威記者Fabrizio Romano報道，艾納斯已將目標轉向帕拉尼恩斯門將賓圖，而且火速達成協議。

據報艾納斯會向帕拉尼恩斯支付1,800萬歐元轉會費，現年25歲嘅賓圖將簽約至2028年，呢位門將有份入選巴西今屆美洲國家盃大軍，擔任艾利臣比加嘅副選。艾達臣摩拉斯因傷並冇參加夏天嘅美洲盃。