耶马新球季改着19号　跟随美斯步伐

啱啱协助西班牙赢得欧国杯冠军嘅17岁神童拉明耶马，周三(17日)宣布新球季会转号码，由上季27号变为19号，呢个“冧把”除咗系佢喺欧国杯嘅号码，亦系美斯20年前喺巴塞隆拿出道，曾经用过嘅球衣号码，耶马将会跟随球王成长步伐。

耶马上季虽然系巴塞主力，但只系以青年军身份被提拔，今个夏天正式注册做一队球员后，上季用嘅27号波衫亦会更换，原本球迷估计佢会改着“王牌”10号，但由于10号目前由安素法迪拥有，耶马亦不夺人所好，决定着19号波衫。

美斯05/06球季喺巴塞上位，就系着19号波衫，3年之后先至成为“10号仔”。巴塞历来都有唔少著名19号球员，包括阿古路、古华特等等，上季呢个号码系由巴西前锋域陀洛基拥有，有传佢将会喺今个夏天被巴塞外借。