【官宣】莫迪历续约皇马兼接任队长

皇家马德里日前举行基利安麦巴比亮相仪式后，周四(18日)再宣布克罗地亚中场莫迪历续约1年，呢位38岁老将更会接替离队嘅拿祖费南迪斯，成为皇马新任队长。

莫迪历上季喺皇马失去正选位置，一度有传佢会重返克罗地亚，但佢喺欧联决赛后已表明将会留队，皇马周四正式宣布同佢续约1年，将会系佢第13季代表皇马出赛。

由于队长拿祖费南迪斯离队，莫迪历续约后正式成为球队新队长，而且会继续着10号波衫，选择着9号嘅麦巴比日前喺亮相会就话：“10号系属于莫迪历，好荣幸可以同佢一齐比赛，佢系冠军同金球奖得主，我非常敬重佢。”