韦斯咸斟夏兰特拍档　西甲神锋有望加盟

韦斯咸喺西班牙名帅卢比迪古执教下，新一季雄心勃勃，早前用4,000万镑收购麦斯基尔文后，据报近日力斟维拉利尔前锋阿历山大索洛夫，呢位挪威国脚上季入球拍得住国家队队友艾宁夏兰特，射术唔使怀疑。

英国《每日邮报》报道，韦斯咸开价2,500万镑收购，但维拉利尔就坚持收齐合约内嘅解约条款(3,200万镑)，双方目前正进行谈判，消息指意甲球会罗马亦有意加入战团，韦斯咸如果要抢人就要加快收购速度。

28岁嘅阿历山大索洛夫曾效力水晶宫，但全无表现下黯然离队，去到西甲后愈战愈勇，上季效力维拉利尔全季攻入26球，23个联赛入波排西甲金靴奖第2位，如果下季重返英超，有望同国家队拍档艾宁夏兰特大斗法。