下一站美職　馬高列奧斯將加盟銀河

德國名將馬高列奧斯結束多蒙特12年生涯後，下一站將會登陸美職，據報呢位35歲球星正同洛杉磯銀河斟介，而且談判已進入最後階段，日內可以正式落實。

馬高列奧斯回復自由身後，收到多間美職球會斟介，原本由德國總監法尼斯迪爾「揸弗」嘅聖路易城SC被視為大熱，點知洛杉磯銀河突然截胡，權威記者Fabrizio Romano報道：「銀河即將簽入自由身嘅馬高列奧斯，最後細節已經傾掂，只係差一啲文件程序，馬高列奧斯準備登陸美職！」

馬高列奧斯職業生涯從未贏過聯賽冠軍，洛杉磯銀河目前排喺美職西岸前列，陣中亦有西班牙中場列基佩治等球星，呢位德國名將有機會一嘗贏得聯賽冠軍滋味。