【挪超】波杜基林特半W做過關變倍器
2024年07月19日 19:00
東網電視
更多新聞短片
波杜基林特主場迎戰奧特足球會
周六凌晨挪超，聯賽「1哥」波杜基林特主場迎戰奧特足球會。波杜基林特實力強橫，上輪作客雖然意外輸波，不過今次返主場有信心可以重現霸氣，佢哋要為3日後歐聯外圍賽做準備，相信今仗會快刀斬亂麻，務求盡快拎到領先優勢，半場主勝最啱用嚟做過關變倍器。（周六凌晨1時開賽）
波杜基林特上仗作客輸畀辛迪夫佐特，不過喺榜首仍然有4分優勢兼踢少1場，衞冕形勢仍然樂觀。佢哋戰鬥力喺挪威有明顯優勢，近13場聯賽主場拎到10勝3和佳績，今仗喺主場威勢下會瘋狂向對手施壓，而喺上述13場當中，有9次係可以半場領先。波杜基林特3日後要踢歐聯外圍賽，今仗會力求盡早奠定勝果，畀主力可以提早休息。
奧特足球會近況差勁，而且防守好唔集中，經常都喺早段失波，近4場聯賽都係先失波一隊，而且有3次喺上半場落後，入局慢係奧特足球會致命弱點，加上波軍近期踢法搶韁，用1.33倍半場主勝做過關膽一流。
更多賠率：