簡迪獲韋斯咸斟介　有望重返英超

33歲嘅尼高路簡迪雖已轉戰沙特聯賽，但在今屆歐國盃仍有極佳表現，因而吸引韋斯咸興趣，希望邀請呢位法國中場重返英超，不過簡迪同伊蒂哈德仲有兩年合約，成為佢重返歐洲一大障礙。

法國傳媒報道，歐國盃結束後，韋斯咸與尼高路簡迪接觸，邀請對方重返英超比賽；簡迪早前曾表示，重未放棄重返歐洲足壇可能，佢話：「我嘅歐洲生涯並未結束，喺沙特係新旅程新體驗。」

據報簡迪唔會強逼伊蒂哈德放人，不過為咗繼續為法國隊征戰，重返英超對佢有一定幫助，至於韋斯咸只能靜靜等待，由簡迪同伊蒂哈德解決合約問題。