曼城孖寶7.27前歸隊　可趕及鬥AC米蘭

曼城宣布2位克羅地亞國腳高華錫、加華度爾將於7月27日之前歸隊，並直接飛去美國同球隊會合，參加季前熱身賽，如無意外可以出戰香港時間7月28日早上熱身賽對AC米蘭。

高華錫、加華度爾有份為克羅地亞參加今屆歐國盃，雖然分組賽出局，但仍然獲得額外假期，不過相比其他有份踢淘汰賽嘅隊友，2人屬於比較早歸隊嘅國腳，因為奇雲迪布尼、謝利美杜古、貝拿度施華、魯賓戴亞斯、文路爾艾簡治、尼敦阿基，要等到8月5日歸隊。

至於有份為踢歐國盃決賽嘅洛迪卡斯簡迪、菲爾科頓、史東斯、基爾獲加，以及為阿根廷踢美洲盃決賽嘅祖利安艾華利斯未有歸期。

曼城已經飛赴美國集訓，將於7月24日早上首戰對些路迪，跟住鬥AC米蘭、巴塞隆拿、車路士，8月10日晚出戰社區盾對曼聯。