安素出席戴巴拿婚禮　名將望車仔「斬草除根」

阿根廷中場安素費南迪斯「種族主首風波」未平息，面臨車路士、國際足協同英格蘭足總調查嘅佢，周六(20日)首度露面，同女友Valentina Cervantes一齊出席保羅戴巴拿嘅婚禮，據報多位阿根廷國腳都有出席，安素全程表現輕鬆，似乎未受醜聞困擾。

保羅戴巴拿同女伴Oriana Sabatini周六結束6年愛情長跑，喺阿根廷舉行嘅婚禮有300名賓客，安素費南迪斯喺唱「種族歧視歌」風波後首度公開露面，佢嘅化妝師喺社交網貼出佢同女友造型，呢位車路士中場面帶微笑，心情唔錯。

安素贏美洲盃冠軍後，依家係度假休息狀態，不過佢返到車路士，將面臨一眾法國球員同黑人隊友排擠，車路士名將卡斯卡連奴就呼籲車路士「斬草除根」：「我唔覺得車路士更衣室可以接受番安素，呢件事好難處理，車仔要慎重考慮係咪要留低安素，當一班隊友討厭一個人，每製造好多令人唔舒服嘅情況，件事好難收科。」