纽卡素“让爱”　斟普捷天奴接替侯域

根据英国《每日邮报》爆料，纽卡素领队艾迪侯域成为英格兰新帅大热人选，会方已为失去呢位46岁少帅做准备，一旦艾迪侯域同意担任“三狮兵团”领队，纽卡素就会聘请前车路士主帅普捷天奴执教。

修夫基早前辞去英格兰领队之位，出现多位名帅人选，既有哥迪奥拿、普捷天奴、勒夫等外籍领队，亦有艾迪侯域、朴达等“土炮”，艾迪侯域属于英足总管理层嘅首选。

艾迪侯域似乎亦有意做修夫基继任人，佢早前暗示，如果纽卡素要佢留队，就必须给予佢更多自主权：“如果我做得开心，获得会方支持，有充足自由度去工作，自然唔会谂离队问题。”

英国《镜报》指艾迪侯域一向以执教英格兰为目标，如果英足总邀请佢领军，佢冇理由拒绝，所以纽卡素做好两手准备，已有新帅人选，如果艾迪侯域离队，就会邀请普捷天奴执教。“肥普”今夏离开车路士后，未冇教职在身，佢始终以执教英超球队为首选，有机会同纽卡素一拍即合。