查洛巴落「車」　曼聯等4大球會想簽佢

車路士公布「美國之旅」季前熱身賽，後衞杜利奧查洛巴無緣隨隊出征，被指好大機會今夏離隊，盛傳曼聯、富咸、韋斯咸、水晶宮都有意收購呢位25歲中堅。

杜利奧查洛巴近日有份參加車路士操練，但卻冇份入選「美國之旅」大軍名單，相信佢已經唔屬於新帥馬利斯卡計劃之內。根據「轉會權威」記者羅曼諾(Fabrizio Romano)爆料，車仔現時中堅位置上已經有韋斯利科芬拿、阿素迪沙斯、艾達拉比奧約，會方考慮出售杜利奧查洛巴，減輕財政壓力。

杜利奧查洛巴係車仔青訓產品，因為傷患問題，上季英超僅上陣13場入1球，早於上年夏天，諾定咸森林曾經提出以2,500萬鎊(約2.5億港元)收購杜利奧查洛巴，但被車仔拒絕，時移世易，車路士現時反而主動希望出售呢位守將。