星味大減！美斯阿蘇宣布缺席美職明星賽

美職聯賽會周二(23日)宣布，國際邁亞密球星美斯同蘇亞雷斯，因傷患問題將唔會缺席周四(25日)朝早嘅美職明星賽。2位球星早前喺美洲國家盃負傷而回，美斯因足踝韌帶受傷無限期休戰，而烏拉圭前鋒蘇亞雷斯就報稱「膝部不適」而避戰。

美職明星隊將會同墨超明星隊對賽，美職明星隊由18間球會嘅球員組成，雖然美斯同蘇亞雷斯缺陣，但國際邁亞密另外2位球星布斯基斯、佐迪艾巴都會如期參賽，陣中其他著名球星仲有法國門將洛里斯、意大利中場貝拿迪斯治、比利時前鋒賓迪基等等。

美職明星賽自2020年因疫情停辦外，近3年有2年都係對墨超明星隊，上年(2023年)就邀請英超勁旅阿仙奴踢表演賽，最後慘輸0比5；美職明星隊喺2021年同2022年，都成功擊敗墨超明星隊。