阿迪达开声要买人　签卡拉科利好事近

已飞去美国进行季前集训嘅阿仙奴，领队阿迪达周二(23日)接受访问，公开表示球队需要买人增强实力。据报阿仙奴已接近完成收购意大利国脚卡拉科利，转会费约4,200万镑。

对于夏季增兵，阿迪达表示：“喺英超要做冠军嘅要求比其他联赛更高，我哋喺每一个地方都需要加强，呢个亦系依家做紧嘅嘢，我哋知道边个位置需要有更多资源。”

据报阿仙奴夏天希望收购1名后防、1名中场同1名翼锋，意大利守将卡拉科利将会率先来投，阿仙奴同博洛尼亚已就4,200万镑转会费倾掂数，呢位22岁新星亦冇份参加博洛尼亚集训名单，日内可正式签约。