前英超冠軍飲水哥　掛靴後做地盤

去年同車路士約滿後宣布掛靴嘅前英超冠軍成員「飲水哥」真禾特，日前在社交網上載圖片，並發文稱：「今日喺地盤工作。」

雖然真禾特已經淡出球迷視線，但冇諗過佢會做地盤，有球迷留言稱：「飲水哥，你做乜作賤自己。」即時惹來真禾特反擊：「講嘢唔好咁難聽，我鍾意做地盤，呢個係我嘅選擇。」

34歲嘅真禾特變身職工真漢子，未必係為生計，事關佢足球生涯收入豐厚，2015至16球季更以主力身份協助李斯特城奪得英超冠軍，其後以超過3,000萬鎊轉投車路士，周薪曾經超過10萬鎊，搵嘅錢夠佢食過世，做地盤可能真係為興趣。