馬利斯卡改組車路士　尼干古轉踢中場？

車路士今夏聘請馬利斯卡取代普捷天奴執教，呢位意大利教頭亦決意改組球隊，其中法國前鋒尼干古最近操練出現喺中場位置，馬利斯卡亦表示呢位法國國腳「可勝任各個位置」，似乎新一季好大機會轉型踢中場。

上年以5,200萬鎊由RB萊比錫加盟嘅尼干古，上季因傷患困擾，只係踢咗11場聯賽入3球，不過呢位之前踢過前鋒、翼鋒同「10號位」嘅球星，最近練波就出現喺中場「8號位」，有望成為車路士中場嘅進攻發電機。

尼干古喺訓練出任中場：https://twitter.com/i/status/1815895661025357891　

馬利斯卡日前訪問中亦「明示」：「尼干古可以踢任何位置，佢呢2個星期練波表現一流，已經融入我想踢嘅體系，呢一點非常重要，我想要我嘅前鋒可以踢唔同位置。」