马利斯卡改组车路士　尼干古转踢中场？

车路士今夏聘请马利斯卡取代普捷天奴执教，呢位意大利教头亦决意改组球队，其中法国前锋尼干古最近操练出现喺中场位置，马利斯卡亦表示呢位法国国脚“可胜任各个位置”，似乎新一季好大机会转型踢中场。

上年以5,200万镑由RB莱比锡加盟嘅尼干古，上季因伤患困扰，只系踢咗11场联赛入3球，不过呢位之前踢过前锋、翼锋同“10号位”嘅球星，最近练波就出现喺中场“8号位”，有望成为车路士中场嘅进攻发电机。

尼干古喺训练出任中场：https://twitter.com/i/status/1815895661025357891　

马利斯卡日前访问中亦“明示”：“尼干古可以踢任何位置，佢呢2个星期练波表现一流，已经融入我想踢嘅体系，呢一点非常重要，我想要我嘅前锋可以踢唔同位置。”