曼聯「海軍藍」作客波衫登場　網民激讚有型

曼聯公布新一季作客球衣，由上季白色轉為「海軍藍」，最大特色係大玩3D效果，波衫上代表曼聯「M」字有反光效果，獲網民同球迷激讚創新、有型。

曼聯搵來拉舒福特、阿歷真度加拿祖、卡斯米路、勞基梳爾、雲比沙卡等多位球衣擔任模特兒，女子隊球員亦有登場。今次設計獲得唔少好評，網民紛紛話：「實在非常靚。」、「勁好睇」、「以往好少見呢種設計，好創新。」

另外，曼聯已經飛往美國準備踢季前熱身賽，海倫、基斯甸艾歷臣歸隊後有隨行，缺席早前熱身賽嘅哈利馬古尼，傳盛有可能離隊嘅查頓辛祖亦榜上有名，但隊長般奴費南迪斯、明奈、勞基梳爾、阿歷真度加拿祖、利辛度馬天尼斯、新兵約舒亞舒克斯仍在休假。

曼聯「美國之旅」熱身賽將於7月28日早上對阿仙奴、8月1日早上對貝迪斯、8月4日早上對利物浦，然後返回英國，備戰8月10日晚社區盾對曼城。