馬古尼將會離隊？本尊咁回應

曼聯今夏簽入中堅法國中堅約羅之後，並計劃再收購多1位中堅，目標包括班夫韋迪、馬菲斯迪歷特，因此盛傳哈利馬古尼可能被出售，呢位31歲老將親自回應傳聞，堅稱自己未來仍然係紅魔鬼球員。

哈利馬古尼話：「老實講，我聽過好多傳聞，但據我所知，我仍然係球隊未來計劃嘅一部分，我好開心可以效力曼聯，並已經準備好為球隊奪取更多錦標。」

哈利馬古尼上年夏天幾乎被出售，但最終留隊，並有出色表現，可惜季尾受傷，無緣為英格蘭出戰今屆歐國盃，佢有入選曼聯「美國之旅」大軍名單，可望復出踢熱身賽。