坦哈格唔滿意增兵進度　計劃再簽人

曼聯今夏迅速豪花近1億鎊(約10億港元)簽入前鋒約舒亞舒克斯、中堅約羅，但領隊坦哈格仍然唔滿意增兵進度，揚言需要繼續簽入球員，提升陣容深度，避免重蹈上季覆轍，因為多傷兵影響成績。

坦哈格話：「我哋已經簽入2位好球員，陣容當然愈強愈好，如果每位球員狀態十足，我哋可以擊敗任何對手，陣容深度非常重要，我哋上季因為多傷兵，陣容經常不整，造成嚴重問題，新一季必須避免發生同樣情況，所以仲需要增兵。」

據悉坦哈格希望簽入1位防守中場、1位右後衞，亦有可能再收購中堅，目標包括班夫韋迪、馬菲斯迪歷特，會方為咗籌集轉會費，準備出售2位中場卡斯米路、麥湯米尼。