法國劍手教練領先時收神秘電話　之後落敗

今場奧運女重決賽峰迴路轉，法國劍手瑪露在第1及第2回合大比數領先，一度領先到7比1，當時法國劍手教練在領先5比1期間被影到收到神秘電話，聽完電話後，法國劍手優勢不再，被江旻憓追和，並在決一劍時反勝，痛失金牌。究竟呢位教練當時個電話傾啲乜？

唔少香港網民都對突然收到電話嘅情境非常熟悉，大家都講笑咁話，應該係收到詐騙電話或者推銷電話：「入境處最後通知.....」、「你有一份未收嘅包裹」、「先生，有無興趣喺大灣區置業？」、「講法文按1字..普通話按2字....喂，你好..法國入境處！（都係普通話）」