唔想陪C朗養老　拿樸迪願減薪一半投皇馬

拿樸迪上年夏天由曼城轉投沙特阿拉伯豪門艾納斯，獲得47萬歐元(約400萬港元)周薪肥約，但呢位30歲西班牙中堅似乎唔甘心留喺艾納斯陪C朗「養老」，打算重返歐洲球壇，盛傳佢願意減一半人工，加盟西甲冠軍皇馬。

皇馬防線老將拿祖費南迪斯今夏離隊之後，原本想簽入法國新星約羅，但被曼聯截胡，加上近日傳出中堅魯迪格可能離隊，「銀河艦隊」急需要簽入中堅，拿樸迪成為目標人物。呢位西班牙國腳亦渴望重返西甲搵食，特別係皇馬屬於頂級勁旅，有助自己事業更上一層樓，據悉佢不惜減一半人工都要上「艦隊」。

拿樸迪屬於西班牙奪得今屆歐國盃冠軍嘅主力，如果皇馬簽到佢，肯定如虎添翼。