奧運乒賽上演嫲孫戰　倪夏蓮VS孫穎莎

今屆奧運乒賽，盧森堡「老牌」球手倪夏蓮再度出戰，將會在女單32強出戰中國「世一」球手孫穎莎，兩人年齡相差高達38歲，引起唔少話題。

倪夏蓮今場真係可以同對方講：「我參加奧運嗰陣你都未出世！」佢喺64強以4比2擊敗土耳其球手晉級，而孫穎莎就贏巴西球手4比0，兩人將會上演嫲孫戰爭入16強。

上海出世嘅倪夏蓮曾代表中國隊比賽，當佢2000年首次出席奧運會，2000年11月出生嘅孫穎莎仲未嚟到呢個世界，現時代表盧森堡嘅倪夏蓮表示：「我係年紀最大嘅乒乓球手，亦係好多年輕人嘅榜樣，我都唔記得自己幾多歲，如果係16歲就好啦！」佢仲講笑話已經幫孫穎莎清除障礙。

孫穎莎面對老前輩，就坦言要向對方學習：「佢體現咗一種體育精神，有好多值得年輕球手學習嘅東西。」